Nëse gjykata ka shqiptuar një urdhër mbrojtës në të cilin janë përcaktuar edhe masat mbrojtëse dhe në ndërkohë ndryshojnë rrethanat ku kërkohet edhe shqiptimi i ndonjë mase tjetër mbrojtëse, pala e mbrojtur ka të drejtë që gjykatës që ka shqiptuar urdhrin mbrojtës ti parashtrojë kërkesë për ndryshimin e urdhrit mbrojtës.
Me këtë rast, të gjitha kushtet janë të njëjta si me rastin e kërkesës për shqiptimin e urdhrit mbrojtës (shih përshkrimin lidhur me kërkesën për caktimin e urdhrit mbrojtës), vetëm se në këtë rast pala e mbrojtur duhet të tregojë dhe argumentojë rrethanat të cilat kanë ndryshuar si dhe të kërkojë masën apo masat shtesë që nevojiten për tu mbrojtur nga pala përgjegjëse pas ndryshimit të rrethanave.
