Kërkesa për qasje ne dokumente publike parashtrohet nga çdo person, me shkrim, ose në formë elektronike, (dhe verbalisht), lidhur me një dokument publik.
Kjo kërkesë trajtohet nga cilido institucion publik që posedon dokumentin publik të kërkuar. Lidhur më këtë kërkesë, zyrtari përgjegjës brenda institucionit përkatës, brenda shtatë (7) ditëve prej kohës së regjistrimit të kërkesës, nxjerrë vendimin mbi lejimin ose refuzimin e qasjes në dokumentin e kërkuar publik. Në rast refuzimi, nxjerrët vendimi i arsyetuar dhe informohet kërkuesi për të drejtën e tij/saj, për të kërkuar rishqyrtim të kërkesës, së bashku me informatat se si, kur dhe ku paraqitet kjo kërkesë.
Kur institucioni publik, të cilit i është drejtuar kërkesa, nuk prodhon apo pranon, nuk disponon ose kontrollon dokumentin publik të kërkuar, ka për detyrë të informojë dhe udhëzojë brenda pesë (5) ditë pune nga dita e pranimit të kërkesës, kërkuesin për tek institucioni publik përkatës.
Në rast se nuk ka njohuri mbi institucionin publik, i cili prodhon, pranon, disponon apo kontrollon dokumentin publik, obligohet brenda shtatë (7) ditë pune nga dita e pranimit të kërkesës të udhëzoj kërkuesin që t’i drejtohet Agjencisë për Informim dhe Privatësi.
Shkarko: “6. Kerkese per qasje ne dokumente publike”
