Nëse kërkesa e palës për vazhdimin e urdhrit për mbrojtje është refuzuar nga gjykata themelore (shih përshkrimin për kërkesën për vazhdimin e urdhër mbrojtjes), pala e cila ka paraqitur këtë kërkesë ka të drejtë ankese në Gjykatën e Apelit përmes Gjykatës themelore e cila e ka refuzuar vazhdimin e urdhrit.
Kjo ankesë duhet të paraqitet brenda afatit prej tetë (8) ditëve nga dita kur pala e mbrojtur e pranon vendimin e gjykatës themelore. Me këtë rast, Gjykatës së Apelit duhet ti argumentohet se gjykata e shkallës së parë nuk ka vlerësuar drejtë se rrethanat mbi bazën e të cilave është caktuar urdhri mbrojtës për të cilin kërkohet vazhdimi, nuk kanë ndryshuar ende.
Thënë më ndryshe, Gjykatës së Apelit duhet ti argumentohet se pala e mbrojtur ende i ekspozohet rrezikut nga pala përgjegjëse.
Ankesa mund të parashtrohet si në rastet kur kërkesa për vazhdimin e urdhrit mbrojtës është refuzuar në tërësi ashtu edhe kur është refuzuar pjesërisht (p.sh. është vazhduar urdhri mbrojtës por është eliminuar ndonjë masë mbrojtëse e cila paraprakisht ka qenë në fuqi).
